5 Niwrnod o Gyfeirnodi (#su5dor). Diwrnod 4.

Diwrnod 4. Fformatio eich rhestr gyfeiriadau

Dros y tridiau diwethaf rydym wedi edrych ar y tair prif ffynhonnell wybodaeth y byddwch yn eu defnyddio yn eich aseiniadau, sef llyfrau, erthyglau mewn cyfnodolion a dogfennau ar-lein/gwefannau. Mae’n bwysig bod eich Rhestr Gyfeiriadau’n darparu’r holl wybodaeth er mwyn i’ch darlithwyr allu dod o hyd i’r ffynhonnell, os byddant am wneud hynny.

Mae’n bwysig hefyd ei bod wedi’i fformatio yn yr Arddull APA gywir. Mae myfyrwyr weithiau’n cael anhawster â hyn ac yn treulio llawer o amser yn fformatio’u rhestri eu hunain; ond mae nifer o offer Word a all wneud y broses hon yn gynt ac yn haws i chi.

Pwyntiau allweddol

  • Dylid dechrau’r Rhestr Gyfeiriadau ar dudalen newydd.
  • Dylai’ch Rhestr Gyfeiriadau gynnwys popeth rydych wedi’i ddyfynnu yn eich aseiniad, NID popeth rydych wedi’i ddarllen (a elwir yn llyfryddiaeth).
  • Dylai fod yn nhrefn y wyddor yn ôl cyfenw’r awdur.
  • Dylai fod bylchau dwbl rhwng llinellau a dylai fod wedi’i mewnoli.

Os defnyddiwn yr holl adnoddau rydym wedi edrych arnynt dros y tridiau diwethaf, byddai fy Rhestr Gyfeiriadau’n edrych fel hyn:Example reference list

Mae gwneud hyn yn cymryd tri cham syml yn Word: yn gyntaf, amlygwch y Rhestr Gyfeiriadau; yna dewiswch yr eicon A-Z o’r opsiynau; yna i roi bylchau dwbl rhwng llinellau a mewnoli’r rhestr, dewiswch y saeth fach ger y paragraff, ac o’r opsiynau dewiswch ‘Special>Hanging’, yna ‘Line spacing>double’.FormatI ddangos i chi sut i fformatio’r rhestr gan ddefnyddio offer Word, rwyf wedi creu sgrinlediad byr. Cliciwch yma i’w wylio.

Oes gennych chi gwestiwn? Holwch gan ddefnyddio’r botwm Sgwrs Fyw Holi Llyfrgellydd, yr adran sylwadau yn y blog, ar y tudalen facebook neu drwy Twitter gan ddefnyddio’r hashnod #su5dor. Yfory byddwn yn edrych ar offer a allai’ch helpu i gyfeirnodi.

 

 

Advertisements

5 Niwrnod o Gyfeirnodi (#su5dor). Diwrnod 3.

Diwrnod 3. Gwefannau a dogfennau ar-lein.

Ydych chi’n cofio beth ddwedom ar Ddiwrnod 1? Yr hyn sy’n allweddol er mwyn cyfeirnodi’n dda mewn aseiniad yn y lle cyntaf yw defnyddio ffynonellau dibynadwy da. Gwnewch yn siŵr eich bod yn gwerthuso popeth a gewch ar-lein gan ddefnyddio’r dull WWWW (Who, Why, When, Where):

Pwy – Pwy ysgrifennodd y wybodaeth?
Pam – Pam bod y wybodaeth yno? (A oes tuedd?)
Pryd – Pryd cyhoeddwyd y wybodaeth? (A yw’n gyfredol?)
Ble – O ble mae’r wybodaeth? (Cliwiau yn yr URL h.y. .com, .ac.uk)

Y prif adrannau y bydd angen i chi eu nodi er mwyn cyfeirnodi gwefan neu ddogfen ar-lein yn gywir yw:

  • Awdur(on) (personol neu gorfforaethol)
  • Blwyddyn cyhoeddi
  • Teitl y wefan/dogfen
  • Dyddiad adalw (os yw’n debygol y caiff y ffynhonnell ei diweddaru yn unig)
  • URL uniongyrchol sy’n gweithio

Yn aml iawn, bydd peth gwybodaeth nad yw ar gael ar gyfer dogfennau ar-lein; enghraifft gyffredin yw dim dyddiad – yn yr achos hwn gallwch wneud y canlynol:

  • Dim dyddiad? – defnyddiwch (n.d.) yn lle

Mae cyngor pellach ar dudalennau Canllawiau Cyfeirnodi APA.

Yn y Rhestr Gyfeiriadau

Dyma ychydig o enghreifftiau:

Gwefannau

Yr unig achos y mae angen nodi dyddiad adalw yn y Rhestr Gyfeiriadau yw os credwch y gallai’r wefan gael ei diweddaru (mae’n anodd gwybod weithiau).

Royal College of Nursing. (n.d.). Principles of nursing practice. Adalwyd Mehefin 6, 2019 o https://www.rcn.org.uk/professional-development/principles-of-nursing-practice

Cyhoeddiad ar-lein

Mae’r cyfeiriad hwn yn cysylltu â fersiwn PDF y Côd, y mae dyddiad cyhoeddi arno, felly nid oes angen rhoi dyddiad adalw.

Cyngor Nyrsio a Bydwreigiaeth. (2018). Y cod: Safonau ymarfer professiynol ac ymddygiad ar gyfer nyrsys, bydwragedd a chymdeithion nyrsio. Adalwyd o https://www.nmc.org.uk/globalassets/sitedocuments/nmc-publications/nmc-code-welsh.pdf

Dyfynnu o fewn y testun

Gair i gall: os byddwch yn defnyddio’r un dyfyniad sawl gwaith yn eich aseiniad, defnyddiwch acronymau. Rhaid i chi egluro’r acronym yn llawn y tro cyntaf, gyda’r acronym ei hun, fel bod yr ystyr yn amlwg i’r darlithydd.

Dyfyniad cyntaf:

Yn ôl y Cyngor Nyrsio a Bydwreigiaeth (CNB, 2018, t. 7) rhaid i nyrs “cydnabod ac ymateb yn drugarog i anghenion y rhai sydd yn nyddiau ac oriau olaf eu bywyd.”

Neu

Yn ôl y Cyngor Nyrsio a Bydwreigiaeth (CNB, 2018) rhaid i nyrs “cydnabod ac ymateb yn drugarog i anghenion y rhai sydd yn nyddiau ac oriau olaf eu bywyd” (t. 7).

Neu

Rhaid i nyrs “cydnabod ac ymateb yn drugarog i anghenion y rhai sydd yn nyddiau ac oriau olaf eu bywyd” (Cyngor Nyrsio a Bydwreigiaeth (CNB), 2018, t. 7).

Ail ddyfyniad

Am i chi egluro’r acronym yn y dyfyniad cyntaf, gallwch nawr ddefnyddio’r acronym mewn unrhyw ddyfyniadau eraill yn y testun.

Rhaid i nyrs “parchu bod hawl pobl i gyfrinachedd yn parhau ar ôl iddynt farw” (CNB, 2018, t. 8).

Neu

Mae’r CNB (2018) yn datgan bod rhaid i nyrs “parchu bod hawl pobl i gyfrinachedd yn parhau ar ôl iddynt farw” (t. 8).

Oes gennych chi gwestiwn? Holwch gan ddefnyddio’r botwm Sgwrs Fyw Holi Llyfrgellydd, yr adran sylwadau yn y blog, ar y tudalen facebook neu drwy Twitter gan ddefnyddio’r hashnod #su5dor. Yfory byddwn yn edrych ar fformatio eich Rhestr Gyfeiriadau.

Cyfeirnodi British National Formulary (BNF) ar-lein drwy ddefnyddio dull cyfeirnodi Vancouver.

Yn eich rhestr cyfeirio fel:

Joint Formulary Committee. British national formulary [Rhyngrwyd]. Llundain: British Medical Association a Royal Pharmaceutical Society of Great Britain; [diweddarwyd 2019 Mawrth 21; dyfynnwyd 2019 Ebrill 9]. Ar gael yn: https://bnf.nice.org.uk/

Os ydych chi’n cyfeirnodi cofnod penodol o British National Formulary, e.e. Paracetamol:

 Paracetamol. Yn: Joint Formulary Committee. British national formulary [Rhyngrwyd]. Llundain: British Medical Association a Royal Pharmaceutical Society of Great Britain; [diweddarwyd 2019 Mawrth 21; dyfynnwyd 2019 Ebrill 9]. Ar gael yn: https://bnf.nice.org.uk/drug/paracetamol.html

Os oes gennych unrhyw gwestiynau, rhowch wybod i ni.

Cyfeirnodi APA – Ap Gofalu’r trwy’r Gymraeg

Rydym wedi derbyn ymholiadau yn ddiweddar ynglŷn â sut mae cyfeirnodi’r Ap, Gofalu trwy’r Gymraeg yn defnyddio arddull APA Fersiwn 6 Abertawe o gyfeirnodi.

Isod gweler enghraifft o sut mae gwneud hyn mewn testun ac yn y rhestr gyfeirnodi.

 Yn y testun:
Swansea University and Coleg Cymraeg Cenedlaethol (2014)
neu
(Swansea University & Coleg Cymraeg Cenedlaethol, 2014).

 Yn y rhestr o gyfeiriadau:

Swansea University., & Coleg Cymraeg Cenedlaethol. (2014). Gofalu trwy’r Gymraeg / Caring through Welsh (Version 1.0) [Mobile application software]. Retrieved from https://play.google.com/store